Presentación
xuño 30, 2009 por falantes
Neste momento en que á lingua galega se lle está recortando o escaso terreo gañado desde que en 1983 se aprobou a Lei de Normalización Lingüística, sentimos a necesidade urxente de que a sociedade civil, desde os máis diversos ámbitos do tecido social galego, sen partidismos nin sectarismos, se organice para reivindicar os seus dereitos.
Pensamos que cómpre crear canles que divulguen alto e claro que somos moitos e moitas os que cremos que a diversidade lingüística é un ben que cómpre protexer. Que non hai linguas que sobren, nin hai FALANTES de primeira e de segunda categoría. Que non estamos dispostos a renunciar a un ben cultural de primeira magnitude como é unha lingua que se leva falando dende hai máis de 1000 anos e que está na nosa man que se fale 1000 máis.
Cómpre crear altoFALANTES que difundan:
- Que o galego é un patrimonio común de todos os cidadáns e cidadás de Galicia, independentemente da lingua que empreguen maioritariamente.
- Que as linguas serven para comunicarse e que o galego é unha lingua de pleno dereito que segue a ser ferramenta de comunicación de gran parte da poboación galega.
- Que o galego é unha lingua útil, que falan diariamente milleiros de persoas dentro e fóra de Galicia, que len diariamente milleiros de persoas dentro e fóra de Galicia, que nos abre as portas a millóns de persoas de fala portuguesa…
- Que está demostrado que as persoas bilingües desenvolven maiores destrezas á hora de adquirir unha terceira lingua. Cantas máis linguas saibamos, mellor dotados estaremos para aprender unha nova.
- Que as administracións teñen a obriga legal de garantir o pleno coñecemento do galego, en igualdade de condicións co castelán. Só tendo un coñecemento igual das dúas linguas se pode ser libre para decidir en cal das dúas se quere falar.
Novas- Os occitanos tamén defenden na rúa os seus dereitos lingüísticos 26 outubro 2009Enterámonos vía vilaweb dunha nova manifestación celebrada en Carcassona a prol da oficialización da súa lingua e da súa presenza no ensino e nos medios de comunicación. Arredor de 30 000 persoas percorreron as rúas da cidade do Languedoc, triplicando deste xeito a asistencia á primeira marcha, no 2005 en Carcassona, e duplicando a de hai 2 anos en Béziers. […]
- A Academia cumpre o seu papel 8 setembro 2009Moitas cidadás e cidadáns que cremos no cumprimento da lei en materia lingüística, que reclamamos a adopción de medidas que garantan os dereitos das persoas galegofalantes e que esiximos que a presenza do galego en Galicia estea plenamente normalizada, estamos a sentirnos fortemente desamparadas fronte ás medidas que pretente impoñer o goberno de Núñez Feijo […]
- Das peores falacias 18 agosto 2009Publicado en Galicia Hoxe (18/08/09): Sectores sociais e políticos defensores da hexemonía do castelán están a recuperar a estratexia da negación da represión lingüística sufrida ao longo da historia polos galegos O negacionismo da represión lingüística sufrida polos galegos ao longo da historia é unha das estratexias que os sectores sociais e políticos defe […]
- A austeridade, a verdade e a liberdade do goberno de Feijoo en relación coa lingua 29 xullo 2009A semana en que se cumpren cen días do goberno do PP na Xunta de Galicia puidemos ler en varios medios de comunicación as declaracións do señor Rodríguez Miranda, voceiro do PPdeG, nas cales aplaudía a xestión de Núñez Feijoo dicindo que esta estivo articulada arredor de catro eixos: “austeridade, unidade, verdade e liberdade”. Se no resto das políticas leva […]
- Pretenden recortar a presenza do galego na sanidade 23 xullo 2009O SATSE, Sindicato de Enfermería, fíxolle chegar ao Valedor do Pobo unha reclamación sobre a edición en galego duns folletos informativos da Consellaría de Sanidade. O sindicato alega que é “incongruente” ofrecer información de carácter sanitario en galego xa que “non toda a poboación da Comunidade Autónoma é natural, coñece o idioma cooficial nin ten a obri […]
- A que está agardando o conselleiro Jesús Vázquez? 18 xullo 2009Os resultados das polémicas e acientíficas enquisas sobre a escolla lingüística no ensino levan xa un mes na Consellaría de Educación sen que a cidadanía teña acceso a ningún tipo de dato fiable e obxectivo. A última información que chega da Consellaría xuntificando o atraso no escrutinio dos datos son estas disparatadas declaracións que publica o xornal Gal […]
- Botan dúas mulleres dunha tenda por falar galés 7 xullo 2009Enterámonos por chuza.org dun caso de discriminación lingüística no Reino Unido. Dúas irmás galesas foron convidadas a saír dunha tenda na illa de Wight por falaren entre elas galés. O caso transcendeu porque unha delas deu en levalo diante da Equality and Human Rights Commission do Reino Unido. […]
- Os occitanos tamén defenden na rúa os seus dereitos lingüísticos 26 outubro 2009
-
-
